قصيدة كتبها شاب صار له حادث ووالدته معاه

قصيدة كتبها شاب صار له حادث سيارة ووالدته كانت معه وكان مسرعا

نتيجة هذا الحادث الوالدة توفيت نتيجة الإصابات الخطيرة وهو إصابته كانت خفيفة وهذي الأبيات قالها للذين يواسونه

كلمات جدا جدا مؤاثره


وهذي الأبيات قالها للذين يواسونه ...........


يواسيني وانا الميت وحالي يجبر الدمعات تسيل من الذي فيني ويبكي وهو يواسيني


وانا ابكي واتنهد وارسم بالحزن لوحات يجبروني عشان امشي ورجلي ما تمشيني


قتلت رعايتي بيدي قتلت الحب والرحمات حرمت النفس من حقها وانا ابكيها وتبكيني



وكنه حلم قدامي يقيدني من الصرخات ابي اصحى ولكني عجزت القى الي يصحيني


فداك القلب يايمه ومهما قلت من كلمات صغيره في كبر حقك بس اتمنى تعذريني


نهبت الفرح من بيتي صحيح اني خسيس الذات صحيح اني ولد طايش وكل ما أسمعه فيني


تجول عيونهم فيني تفصل مني قياسات وتشيح وجوههم عني وكني غيرت ديني


يظنوا حزنهم اكبر وهم اصحاب هالمأساة وانا اتحدى اذا فيهم ربع ما يحترق فيني


نقص قدري بعد موتك وغابت نشوة اللذات وصار الهم عكازي اباكيه ويباكيني



عطيتيني بدون حساب ولا سمعتك تقولي هات وانا اشرب حيل من دمك ودمك ما يكفيني


يايمه ارجعي كافي ابجلس معك لو لحظات واقبل ايدك ورجلك وافرش لك رمش عيني


يايمه ما تحملهم يقولوا فات ما قد مات تعالي غيري هالقول واطيعك باقي سنيني


واترك عادة التدخين وانفذ ما تبي بسكات واصلي الفجر في المسجد قبل منتي تصحيني


يايمه ارجعي تكفين وطفي شمعة الآهات ابيك انتي ولا غيرك على موتك تعزيني


وضميني وداويني مثل ما كانت الهقوات ما ابي احدن يواسيني ابيك انتي تواسيني


دخيلك بس لا تبكي اذا شفتي بي الدمعات انا مقوى ابكيك اذا انتي

تبكيني

دخيلك بس لا تبكي اذا شفتي بي الدمعات انا مقوى ابكيك انتي تبكيني

ربي يرحمها

قصيده كثير موثره يسلمووووو خيووو

الله يرحم والدته ويدخلها فسيح جناته بجد ها القصه اثرت فيني اكثر مقطع صيحني
حسيته فهذا البيت مثل الطفل الصغير بجد الله يعينه ويهديه ويصبره لانه فقدان الام صعب
(ضمني وداويني مثل ما كانت الهقوات ماابي حدن
يواسيني ابيك انتي تواسيني

اشكركن ع الردووود المميزة

يظنوا حزنهم اكبر وهم اصحاب هالمأساة وانا اتحدى اذا فيهم ربع ما يحترق فيني


نقص قدري بعد موتك وغابت نشوة اللذات وصار الهم عكازي اباكيه ويباكيني

تقطع القلب هالأبيات

حشا فوق المصيبة اللي هو فيها

كيف الواحد يطاوعه قلبه يلومه !!

شكرا أخوي ع الطرح

عسى يكون هالإنسان عبرة لغيره من الشباب

الله يرحمها ويسكنها فسيح جناته
زالله يسااعدة
قصيدة مؤثرة بالفعل

اللهــــــ آآآميـــنـ ــــــــم