من حفر حفرة لأخيه وقع فيها

السلاااااااااااام عليكم ورحمة الله وبركاته
*
*
*
*

صبآآآآآآآحكم ~ مسآآآآآآآآؤكم ** ورد وجوري **
*
*
*
من حفر حفرة لأخيه وقع فيها
*
*
القصة
*
*
كان فيه اثنين اخوان متزوجين وعلى مايبدوا قاعدين

في بيت واحد , وحده كانت ربه بيت وزوجه الثاني تشتغل

في قطاع ما , المهم الي هي ربه البيت زوجه مسكينه وعلى نياتها

وطيبه ماتهتم في حالها يالله تلحق شغل البيت والأولاد والزوج وماتهتم

بمظهرها أهم شئ عندها تلبي رغبات الأولاد والزوج وتشوفهم مرتاحين ....

نجي عند الزوجه الي تشتغل , هاذي عاد برستيج

تهتم بحالها وبمظهرها وطبعا الي هي ربه المنزل بالنسبه

لها وحده ما تفقه شيئا من أمور الحياه وماتعرف الشياكه والأناقه ولاتهتم بنفسها قدام زوجها

فحبت تسوي معروف في أخو زوجها

وقاعده تهديه يتزوج وحده فاهمه وتقوله شوتبي منها

هاذي ماتصلح لك أنت يبي لك وحده كاشخه وحلوه خلاص بعطيك

صديقتي عز الطلب أنا متأكده انك بتدعي لي لو تزوجتها

الرجال يوم سمع نصيحتها ماكذب خبر قال وينها ....

طبعا نسى أفضال زوجته عليه !!!!

وجاء اليوم الموعود قاعد يتجهز للخطبه وطبعا البنت واهلها جاهزين لمايجي على حسب الموعد المتفق ...

تعالوا نشوف شو الي حصل ؟؟؟
*
*
*
*

وتجهز الرجال وكل شئ لكن

حصل شئ غير متوقع لما كان خلاص بيطلع عشان الخطبه

راحت زوجته قبل ماتعطيه النعال ( طبعا هي مو عارفه وين بيروح ) شافته متسخ مغبر فنظفت نعاله بملابسها ( يحليلها )

حز بنفسه وقال هاذي ألي بروح اتزوج عليها شوفوا شوقاعده تسوي لي ؟؟؟ بطل يروح ذيك الليله يخطب راح متصل عليه

أخوه ويخبره ليش تأخرت ع الموعد مايصير الجماعه

منتظرين فشلتنا بينهم ... رد عليه وقال مابي بطلت ماني متزوج على زوجتي

تعرفون شو الي حصل ؟؟؟ اخوه شاف نفسه في موقف محرج


مع الجماعه راح هو خطبها بدل اخوه عشان يصلح الموقف

اتصلت زوجته ( الي تشتغل ) في نفس الوقت

لصديقتها تستفسر عن الخطبه قالت لها : بشري هاااا انخطبتي لاخو زوجي

ردت عليها وقالت: لا ابشرك انخطبت لزوجك >فرحانه البنت

صحيح من حفر حفرة لأخيه وقع فيها

تحياااتي للجميع

يسلموووووووو خيتوووووو على القصه الحلوه

هههع تستاهل

تستاااهل صدق من قال من حفر حفره لاخيه المسلم وقع فيها

ايواااااا تستاهل

شكرا ع الطرح

سبحان الله ..

..

شكرااا على طرحك اختي

والله العظيم رتستاهل وتستااهل عينهااا بعد
هع هع

اشكرك ع الطرررح