لوعة العشاق،،

بلغه بالحال يا ريف(ن) سرا
مخطر(ن) حالي ولي ساير يسير
كل ما رديت بالذكرى ورا
ما دريت الا على خدي غدير


ويش عذري فاضح الدمعه جرا
لو أقول الحال ميسور وسرير
"لوعة العشاق" فيه تنقرا
ما تبابه غصب الأحوال وخبير


لو عذلني من بحالي ما درا
قلت كف العذل واتركني وسير
من كلامك صاب جسمي بوشرا
وطيف مضنوني على فكري يغير


طيف من علق على كبدي عرا
ونار شوقه في ضميري زم همير
بلغه بالحال يا ريف(ن) سرا
مخطر(ن) حالي ولي ساير يسير