بس افهمني,,,

بسم الله الرحمن الرحيم
السلام عليكم ورحمة الله وبركاته


في أمور عندنا ورسالة نبي نوصلها بس الناس مو راضية تستوعب هذه الرسالة
في أمور احنى نتمنى ان الناس تفهمنا فيها بس للأسف الشديد تحس أن فجأة طوفه انبنت على الجبين ما في شئ يدش ولا في شئ يطلع .. زين ليش.

في شئ فيني أبيكم تفهمونه في شئ فيني مليت وأنا اردد وأقول أحاول كثر ما اقدر أوضح .
يا جماعة في بعض المرات الإنسان يتليقف في إن كل شي يكون فيه صريح ويقول ويتمنى أن لو في ناس تفهمه من نظرة ، يتمنى في ناس تقراه ، يتمنى أن في ناس عرفوا أطباعة ، إلى متى وأنا قاعد أفسر نفسي وأبرر أفعالي وأشرح شخصيتي وأشرح أسلوبي ، ترى في بعض الأحيان هذا يسبب ضيق نفسي .

يتمنى لو أنكم تفهمون ، يتمنى أنكم تقدرون أن أنا إذا تعبت مرة تعبت مرتين وثلاث وأربع مو معناه إني راح أفقد الأمل فيكم ، مو معناها إني أكرهكم ما تربينا على الكره ..ما تربينا على الجحد ..ما تربينيا على أن نكون ناس قاسين.. ولا تربينا على أنك تكون جمل قلبك أسود وحقود ما تنسى .

في بعض الأحيان الإنسان يحتاج لو انك تقراه شيء فيك وهو ماله داعي يتكلم عنها وهو ما له داعي يقولها شيء الناس مو راضيه تفهمه في أغلب الناس سكوتهم لهذا السبب صار فيه انضمام كبير لكم أكبر أنها قررت أن الصمت يكون لها خير سلاح .

يا جماعة عرفتوا اللي يقول لك (يا ما تحت السواهي دواهي ) ترى هذول ساكتين ناس يثمنون كلامهم قبل لا يقولونه ، ناس يحبون كلماتهم تكون مسمار في لوح ، ناس يحبون إذا قالوا كلمه الكل لها آذان صاغية ، ناس سكوتهم عظمة وليس غرور ، يبونكم تفهمون أن سكوتهم حكمة ولا هو تكبر ، يبونكم تفهمون أنهم ناس إذا قرروا الالتزام بالصمت والسكوت عن البعض سواء المدح أو عيوب البعض أو تعليق على سالفة عابرة ، ولا تفتكر أنهم ناس مو مهتمين ولكن هم ناس يحبونكم يحبون يعلقون بعيونهم ، يعلقون بدعوى صادقة بينهم وبين نفسهم .

شيء فيني أنا بس للأسف في ناس مو قادرة تفهمه وشيء فيك أنت و أنتي لأن مو كل مرة لنا خلق نتكلم ، مو كل مرة لنا خلق نعاتب ، مو كل مرة لنا خلق نتشره ، مو كل مرة لنا قلب يبرر أفعالنا ونفسر ونقول كيت وكيت ..

يا جماعة فهموا عاد حسوا أن إذا ابتسامتنا في وقت المدح معناها مدح ، ودمعتنا في وقت الضيق معناها مشاركة احزان ، لما اسرح وانت تتكلم بسالفتك معناها مندمج معك تمام ، لما احاول اترك لك طباع معينة لغة الجسد لغة العين في تعابير الوجه هذا مومعناه اني اهمشك ادوس على كبريائك او اصغر من حجمك هذا اني انسان ابيك تفهم ان سكوتي ولان ساعات يضيع الكلام امام عظمة وجودك احبك واتمنى انك تفهم هذا الحب بسكوتي بس ها لاتئذيني لانك لأذيتني ممكن اتكلم.

في شئ ابيكم تفهمونه ولايت تفهمونه باني انا اذا سكت مومعناه اني ما أحس مومعناه اني ما أشوف أو أسمع.
لاتزيد الدوس علي بقطاتك بثقل دمك.
لاتزيد الدوس علي بكلماتك .وانتقاداتك.
لاتزيد الدوس علي بكلمات تجرح تظل الى اخر دقيقة في اليوم ببالي بس لاني ساكت مو أنا ساكت لاني ما أحس .
وهذا الي ابيكم تفهمونه ولاراح ازيد ولااكمل عليكم اذا عندك قلب انا عندي قلب واذا عندك لسان مثلك عندي لسان .
ولكن مومشكلتي اذا انت قررت تتكلم وتعلق في كل دقيقة وثانية من يومك .
اعذرني اذا كنت انضم الى قائمة الملوك.
اعذرني اذا كنت كل كلامي صدق من ذهب.
اعذرني اذا كنت انسان في بعض الاحيان اعارض التقاليد واقول
اذا الكلام من ذهب فالسكوت من فضه
اذا الكلام من فضة فسكوتي من ذهب.
فهمت واضحه يحتاج افهمك اكثر
حبني دير بالك علي حط في بالك ان عيوني تحبك قلبي يحبك كل مافيني يفهمك موشرط اتكلم افهم سكوتي يعني حب حتى لو كان من طرف واحد.

بس افهمني

جزاكي الله خيراا. الموضوع الجميل... تسلمي

أشكركم على المرور الطيب